АНКАРА (АА) – Додека продолжуваат напорите за отстранување на остатоците во населбата Мегани Нагар и регионот каде што се урна авионот на Ер Индија во Ахмедабад, државните власти дадоа соопштение во врска со бројот на жртви, известува Анадолу.
Давал Гамет, лекар кој работи во државната болница, за Асошиејтед Прес (АП) изјави дека бројот на жртви се зголемил на 270, откако е пронајдено телото на уште едно лице.
Информирајќи дека продолжува третманот на Рамеш Висвашкумар, единствениот преживеан патник во авионската несреќа, Гамет рече:
„Состојбата на (Вишвашкумар) е многу добра и тој наскоро ќе биде отпуштен“.
– Пронајдена е црната кутија
Властите што ја истражуваат авионската несреќа објавија дека црната кутија, која ги регистрирала податоците за летот, пронајдена е во близина на местото на несреќата.
Бирото за истрага на авионски несреќи на Индија, исто така, изјави дека во тек се напори за пристап до податоците снимени во црната кутија.
Според вестите објавени во индиските медиуми, до црната кутија на авионот е пристапено на денот на несреќата, но властите ја негираа оваа информација.
– Авион со 242 лица се урна во Индија
Патнички авион што леташе од меѓународниот аеродром Сардар Валабхаи Пател во Ахмедабад кон аеродромот Гетвик во Лондон, се урна во областа Мегани Нагар кратко по полетувањето на 12 јуни.
Ер Индија објави дека во авионот на летот „AI171“ имало 242 патници и членови на екипажот, од кои 169 биле индиски, 53 британски, 7 португалски и 1 канадски државјанин.
Компанијата потврди дека 241 лице во авионот го загубија животите, а единствениот преживеан е на лекување.
Индиските медиуми информираа дека некои луѓе загинале кога авионот се урнал во зграда на студентски дом во кој престојувале лекари асистенти.
Засега нема официјално соопштение во врска со причината за падот на авионот, а министерот за цивилно воздухопловство Рам Мохан Наиду објави дека е започната истрага за инцидентот.
Извор: Anadolu Agency (AA)
