Прекините на патиштата и другите проблеми ја отежнуваат испораката на помошта
Бројот на загинати во новогодишниот земјотрес во Јапонија надмина 100, а повеќе од 200 луѓе сѐ уште се водат како исчезнати, по најсмртоносниот земјотрес во земјата во последните речиси осум години.
Земјотресот со јачина од 7,6 степени според Рихтеровата скала што го погоди западниот брег на Јапонија ја уништи инфраструктурата, оставајќи 23 000 домови без струја во регионот Хокурику.
Потрагата по преживеани под срушените згради продолжува шести ден, а помош чекаат повеќе од 30 000 евакуирани.
До денеска беа потврдени уште 16 смртни случаи во градот Ваџима и градот Анамизу, со што вкупниот број на загинати се искачи на 110, објави новинската агенција Кјодо, цитирајќи ја префектурата на Ишикава и други извори.
Тоа е најголем број на загинати од земјотресите во Кумамото во 2016 година во југозападна Јапонија каде загинаа 276 луѓе. Прекините на патиштата и другите проблеми ја отежнуваат испораката на помошта.
Извор: 360stepeni.mk
