ИСТАНБУЛ (АА) – Бројот на загинати Палестинци во израелските напади врз Појасот Газа од 7 октомври се зголеми на 23.357, соопшти денес Министерството за здравство во енклавата, јавува Анадолу.
Министерството истакна дека во нападите повредени се 59.410 лица.
„Најмалку 147 лица загинаа, а 243 се повредени во израелските напади во последните 24 часа“, додаде Министерството.
„Многу луѓе сè уште се заробени под урнатините и на патиштата, а спасувачите не можат да стигнат до нив“, се вели во соопштението.
Израел започна напади врз Појасот Газа по прекуграничниот напад на палестинската група Хамас во октомври, во кој се верува дека се загинати речиси 1.200 Израелци.
Според податоците на Обединетите нации, околу 85 отсто од жителите на Газа се раселени поради израелските напади, а владее и сериозен недостиг од храна.
Стотици илјади луѓе живеат без засолниште, а на територијата на енклавата влегуваат помалку од половина од камионите со хуманитарна помош отколку пред почетокот на конфликтот.
Извор: Anadolu Agency (AA)
