ЛОНДОН (АА) – Британскиот премиер Кир Стармер денес пристигна во Вашингтон за клучна средба со американскиот претседател Џо Бајден, пренесува Анадолу.
Според соопштението од Даунинг стрит 10, средбата „ќе се фокусира на стратегијата и начините за постигнување напредок кон долгорочни решенија за двата конфликти“.
Конкретно, лидерите ќе разговараат за континуираната поддршка за Украина, како и за напорите за постигнување прекин на огнот и ослободување на заложниците во Газа.
Лидерите се очекува да се осврнат и на поширок спектар на меѓународните предизвици. Разговорите ќе го опфатат напредувањето кон „слободен и отворен Индо-Пацифик“, унапредување на соработката меѓу Соединетите Американски Држави (САД) и Велика Британија за безбедноста на синџирот на снабдување и за зајакнувањето на борбата против климатските промени во услови кога двете земји се соочуваат со растечки закани од глобалното затоплување.
Извор: Anadolu Agency (AA)
