Од медицински сестри до адвокати, работниците погодени од зголемената инфлација штрајкуваат низ целата земја против владата која вели дека зголемувањето на платите е неодржливо и само ќе ја зголеми инфлацијата
Наставниците, машиновозачите и државните службеници им се придружија на лекарите во масовниот штрајк откако министерот за финансии го објави предлог-буџетот. Со стотици илјади луѓе кои излегоа на улиците, се очекува ова да биде најголемата еднодневна индустриска акција од почетокот на немирите минатата година.
Од медицински сестри до адвокати, работниците погодени од зголемената инфлација штрајкуваат низ целата земја против владата која вели дека зголемувањето на платите е неодржливо и само ќе ја зголеми инфлацијата. Покрај платите, за кои велат дека не се во чекор со растот на трошоците за живот, работниците штрајкуваат и поради условите за работа, безбедноста на работните места и пензиите.
Меѓу другите, на улица излегоа универзитетски професори и новинари на Би-би-си. Поради штрајкот на машиновозачите, во прекин е сообраќајот на метрото во Лондон.
„Лекарите штрајкуваат, машиновозачите штрајкуваат, наставниците штрајкуваат. По првпат во последните неколку години, анкетите покажуваат дека луѓето силно ги поддржуваат нашите постапки“,
рече Марк Сервотка, шеф на синдикатот за јавни служби.
Додека министерот за финансии го презентираше Буџетот во Парламентот, стотици луѓе маршираа покрај кабинетот на премиерот во Даунинг стрит скандирајќи:
„Што бараме? Десет проценти. Кога? Сега!“.
Лекарите штрајкуваат од понеделникот, жалејќи се дека некои од нив се помалку платени од келнерите. Лекарската комора соопшти дека платите на лекарите од 2008 година паднале за 26 отсто.
Фото: EPA-EFE/TOLGA AKMEN
Извор: 360stepeni.mk
