Фудбалерот на Арсенал, чиј договор истекува на крајот од оваа сезона, ги договорил личните услови со Фламенго и наскоро се очекува да потпиша договор, кој најверојатно ќе има важност на три години.
Жоржињо, чие полно име е Жорж Луиз Фрело Фиљо, е роден во Имигранте, Бразил, во 1991 година. На 15-годишна возраст се пресели во Италија, каде што ја започна својата професионална фудбалска кариера.
Неговиот талент брзо беше забележан, а првиот значаен чекор во кариерата го направи во Верона, каде играше од 2010 до 2014 година.
Потоа направи трансфер во Наполи, од каде замина во Англија, прво носејќи го дресот на Челзи, па на Арсенал.
За италијанската репрезентација досега одигра 57 натпревари, а беше дел од шампионскиот тим на Европското првенство во 2021 година.
Извор: kurir.mk
