Братот на Астрит Исени, заменик-министерот за внатрешни работи, Дритон Исени во коментар на страницата на ТВ21 се пожали дека три месеци немаат земено плата.
Тој коментираше на веста каде што министерката за финансии, Гордана Димитриеска-Кочоска, одговори на најавите на вицепремиерот Изет Меџити за „вработување на стотици, можеби илјадници Албанци“, истакнувајќи дека таа не потпишала вработувања врз етничка основа и дека такво нешто не е предвидено во годишните буџетски планови.
Дритон Исени на оваа вест коментираше:
„Годишниот план дали го имаш предвидено за директорот на државните девизни резерви, кога веќе 3 месеци не остави без плата?“, напиша Дритон Исени.
ИЗВОР: ТВ 21
