Министерката за енергетика, рударство и минерални суровини, Сања Божиновска, денеска остварила средба со вршителката на должност амбасадор на Соединетите Американски Држави во земјава, Никол Варнес.
На средбата се разговарало за продлабочување на стратешкото партнерство меѓу Северна Македонија и САД, со посебен акцент на поддршката за реформите и развојот на енергетскиот сектор. Според Божиновска, ова партнерство претставува значајна основа за обезбедување стабилна економија, модерна инфраструктура и сигурна енергетска иднина.
Министерката изразила благодарност за континуираната поддршка што САД ја даваат во процесот на спроведување реформи и јакнење на институциите во државата.
„Нашата цел е јасна – транспарентен, ефикасен и одржлив енергетски систем во служба на граѓаните и економијата“, истакнала Божиновска.
