Борел на средба со Курти и Вучиќ: Се надевам на конструктивен пристап од двете страни

Трилатералната средба започна нешто пред 18 часот. Борел и Лајчак претходно одвоено разговарале со Курти и Вучиќ, по што дошло до непланирана пауза од околу еден час, пренесува Бета

Шефот на европската дипломатија Жозеп Борел, вечерва во Брисел, на почетокот на средбата со лидерите на Србија и Косово, изрази надеж дека тие ќе заземат конструктивен пристап.

Борел на Твитер објави фотографии и напиша дека започнала заедничката средба со српскиот претседател Александар Вучиќ, косовскиот премиер Албин Курти и специјалниот претставник на ЕУ за дијалог меѓу Белград и Приштина, Мирослав Лајчак.

„На дневен ред е предлогот на ЕУ за нормализација на односите. Се надевам на конструктивен пристап од двете страни“,

напиша Борел.

I welcomed President @predsednikrs and Prime Minister @albinkurti in Brussels for a high level meeting of the Belgrade – Pristina Dialogue.

On the agenda: the EU proposal on normalisation of relations. I hope for a constructive approach by the two parties. pic.twitter.com/yFKMvjgbVZ

— Josep Borrell Fontelles (@JosepBorrellF) February 27, 2023

Трилатералната средба започна нешто пред 18 часот. Борел и Лајчак претходно одвоено разговарале со Курти и Вучиќ, по што дошло до непланирана пауза од околу еден час, пренесува Бета.

Додека се одвиваше средбата меѓу Борел, Лајчак и Курти, српскиот претседател во Брисел се сретна со специјалниот пратеник на САД за Западен Балкан, Габриел Ескобар.