Поранешната министерка за внатрешни работи, Гордана Јанкуловска, преку своја објава на социјалните мрежи се осврна на личните предизвици и правната битка што ја води во изминатите години.
„Календарски помина речиси една деценија, а како да поминаа три животи на некој што доживеал длабока старост. Само семејството и релативно мал круг блиски луѓе и пријатели знаат како изгледаа овие години,“ пишува Јанкуловска.
Таа ја изрази својата задоволство од денешната судска одлука, која ги уважила аргументите на нејзината страна. Истовремено, посочи на фактот дека и по долгата кривична постапка не е утврден виновникот за масовното прислушување, чин што, како што нагласува, ѝ го променил животот од корен и нанел ненадоместлива штета и на нејзиното семејство.
„Борбата за правда продолжува и се надевам дека ако не во кривична постапка, тогаш во граѓанска постапка ќе се утврди кој го вршел прислушкувањето,“ истакна Јанкуловска, со уверување дека вистината и правдата ќе излезат на виделина.
ИЗВОР: ТВ 21
