Блинкен со остра порака за Додик: Тој се наоѓа на авторитарниот пат на Путин

Ваквата порака доаѓа откако Република Српска ја криминализираше клеветата и навредата, а Додик најави и измени на законот за невладини организации, како и измени со кои ќе им се забрани на ЛГБТИ лицата пристап до училиштата и градинките

Државниот секретар на САД, Ентони Блинкен, преку Твитер упати остра порака за претседателот на Република Српска, Милорад Додик, велејќи дека се наоѓа на авторитарниот пат на рускиот претседател Владимир Путин.

„Нападите на Милорад Додиќ врз основните права и слободи во Република Српска покажуваат дека тој се наоѓа на авторитарниот пат на претседателот Путин. Стејт департментот, застапувал од амбасадорот Мајкл Марфи, продолжува да се залага за демократска и просперитетна иднина која ја заслужуваат сите граѓани на Босна и Херцеговина“,

вели Блинкен.

Milorad Dodik’s attacks on basic rights and freedoms in Republika Srpska show he is on President Putin’s authoritarian path. @StateDept, represented by Amb. Murphy, continues to advocate for the democratic and prosperous future that all citizens of Bosnia and Herzegovina deserve.

— Secretary Antony Blinken (@SecBlinken) March 29, 2023

Пораката од американскиот државен секретар доаѓа откако неодамна во Република Српска беа усвоени измени на Кривичниот законик со кои се криминализира клеветата и навредата, како и најавите од Додик за измени на законот за невладини организации, како и измени со кои ќе им се забрани на ЛГБТИ лицата пристап до училиштата и градинките.