Блинкен ѝ порача на Турција веднаш да го одобри приемот на Шведска во НАТО

May 30, 2023
1 min read

Коментарите на Блинкен уследија неколку часа откако Турција ја повика Шведска да ги гони одговорните за закачувањето на знамето на забранетата Работничка партија на Курдистан на зградата на парламентот во Стокхолм на денот на изборите, кога претседателот Реџеп Таип Ердоган освои уште еден мандат

Американскиот државен секретар Ентони Блинкен денеска ја повика Турција веднаш да го финализира приемот на Шведска во НАТО, велејќи дека нордиските земји веќе презеле значителни чекори за да ги исполнат приговорите на Анкара поврзани со членството на Шведска.

Блинкен, исто така, ја отфрли можноста дека одобрувањето на Турција за прием на Шведска во НАТО е поврзано со продажбата на американски борбени авиони Ф-16 на Турција, иако американскиот претседател Бајден во понеделникот навести дека постои врска меѓу тие две работи.

Зборувајќи на заедничката прес-конференција со шведскиот премиер во Лулеа, северна Шведска, Блинкен рече дека Вашингтон ќе продолжи да работи на финализирање на пристапувањето на Шведска во алијансата до почетокот на самитот на НАТО во средината на јули, кога ќе се сретнат лидерите на алијансата.

„Ние веруваме дека времето е сега и нема причина зошто тоа да не се случи. Турција изрази важна и легитимна загриженост, Шведска и Финска се осврнаа на тие грижи. Очекуваме овој процес да биде завршен во наредните недели. Немаме сомнеж дека до тоа може да дојде, дека треба да биде и очекуваме да биде“,

рече Блинкен.

Коментарите на Блинкен уследија неколку часа откако Турција ја повика Шведска да ги гони одговорните за закачувањето на знамето на забранетата Работничка партија на Курдистан на зградата на парламентот во Стокхолм на денот на изборите, кога претседателот Реџеп Таип Ердоган освои уште еден мандат.

Шведска и Финска аплицираа за членство во НАТО минатата година, напуштајќи ја долгогодишната политика на воено неврзување по руската инвазија на Украина. Барањето за членство мора да биде одобрено од сите земји на НАТО, а Турција и Унгарија допрва треба да го одобрат шведското барање.

Турција го ратификуваше членството на Финска во НАТО на крајот на март, но и понатаму се противи на приемот на Шведска, тврдејќи дека во Шведска има пристаништа на милитантни групи кои Турција ги смета за терористички. Унгарија, исто така, сè уште не го одобрила шведското членство.

Извор: 360stepeni.mk

VERO JUMBO MACEDONIA

EVN MACEDONIA

MARKETING

Претходно

Енис Барди стрелаше за Трабзонспор (ВИДЕО)

Следно

Јапонскиот премиер го отпушти сопствениот син поради непримерни фотографии

Latest from Blog

Како да цепи дрва- девојка со секира го нападнала своето момче на спиење, при апсењето се смеела

Жена од Северна Дакота е обвинета дека се обидела да го убие своето момче додека спиел, користејќи секира, а еден сведок рекол дека звучело како да „сече дрва“ додека го „удирала“ по

Светскиот шампион со Франција на 31 година замина во пензија

Поранешниот француски фудбалски репрезентативец Самуел Умтити објави дека ја завршува својата играчка кариера, објави францускиот весник „Л’Екип“. Умтити (31) објави на социјалните мрежи дека одлучил да ја заврши својата играчка кариера, откако

Американската војска нападна брод од Венецуела: Трамп итно се огласи – има мртви

Американскиот претседател Доналд Трамп објави дека американската војска извршила повторен напад врз брод за кој постоеле сомнежи дека превезувал дрога од Венецуела, при што загинале три лица. Трамп ја сподели информацијата преку

Над 30% од граѓаните сметаат дека ВМРО-ДПМНЕ најдобро се справува со локалните проблеми

Институтот за политички истражувања Скопје, за потребите на МРТ подготви анкета за локалните избори за актуелните општествени случувања и за рејтингот на политичарите и партиите. Од резултатите презентирани вечерва во емисијата „Објектив“,
Go toTop