АНКАРА (АА) – Уште најмалку 32 Палестинци загинаа во немилосрдните израелски напади во Појасот Газа, со што вкупниот број загинати од минатиот октомври порасна на 41.020, соопшти денес Министерството за здравство на Газа, јавува Анадолу.
Министерството додаде дека досега во израелските напади повредени се најмалку 94.925 Палестинци.
„Израелските сили убија 32 лица и повредија 100 во три масакри на семејства во последните 24 часа“, соопшти Министерството.
„Многу луѓе сè уште се заробени под урнатините и на патиштата бидејќи спасувачите не можат да дојдат до нив“, се додава.
Не почитувајќи ја резолуцијата на Советот за безбедност на Обединетите нации (СБОН) со која се бара итен прекин на огнот, Израел се соочи со меѓународна осуда поради неговата континуирана брутална офанзива врз Газа од нападот на палестинската група Хамас на 7 октомври 2023 година.
По повеќе од 11 месеци од почетокот на израелската војна, огромни делови од Газа лежат во урнатини, каде владее блокада на храна, чиста вода и лекови.
Израел се соочува со обвинувања за геноцид за неговите акции во Газа пред Меѓународниот суд на правдата.
Извор: Anadolu Agency (AA)
