-6 години сум тука, немам решение, а некој дошол и за 3-4 месеци добива решение. Ние повеќето немаме земено 6-7 години, вели вработен во ЈП Комунална хигиена Скопје.
Овој вработен во Комунална хигиена во Скопје, кој побара да не се открива неговиот идентитет, за ТВ21 ги кажа проблемите што според него ги имаат повеќето работници во ова јавно претпријатие. Освен што се жалат на малите плати, велат дека во јануари немале ниту здравствено осигурување, што им направило дополнителни трошоци за одење на лекар.
Вработен: Не ни платија на сите здравствено осигурување овој месец, до 15-ти немавме воопшто, плаќавме приватно.
ТВ21: Дали те чинеше многу?
Вработен: Под 3 илјади денари не беше за дете.
Вработен: Имаме најниски плати од сите фирми. Платата е 25 илјади денари. Воопшто не ни дадоа К15.
Работникот го истакна и недостигот од работни алати и камиони, кои, според него, имаат помал капацитет од оние што се користат за собирање отпад. Зборувајќи за условите за работа, рече дека се принудени да работат прекувремено и за тоа не се платени.
Вработен: Воопшто не одмараме, 4-5 месеци немаме работници, „нон стоп“ сме на работа.
ТВ21: Без слободни денови?
Вработен: Без ниту еден слободен ден!
ТВ21: Дали се дополнително платени?
Вработен: Не, има 16 дополнителни часови месечно, не ни плаќаат повеќе, не!
За загриженоста на овој вработен го прашавме директорот на Комунална хигиена Сабахудин Рустеми.
-Во текот на изминатата недела беа сервисирани 15 специјални комунални камиони. Ќе направиме напори секој што е вработен преку АПП да добие решение. Висината на платата на вработените е регулирана во согласност со систематизацијата, а Уредбата за плата не ја утврдува директорот на претпријатието, изјави Сабахудин Рустеми, директор на ЈП Комунална хигиена Скопје.
Директорот Рустеми тврди дека сите прекувремени часови им се исплаќаат на вработените редовно, согласно процедурите.
ИЗВОР: ТВ 21
