Дури сега се гледа каков добар потег направи Барса со ангажманот на Рони Барџи летоска. Тој во последно време просто воодушевува а се истакна најмногу во полуфиналето против Билбао во Супер Купот на Шпанија, и затоа каталонците одлучија да направат важен чекор кога е во прашање овој млад офанзивец.
Човекот кој пристигна за само 2.000.000 евра од Копенхаген покажа во првиот дел од сезоната дека заслужува поголема шанса, а бидејќи беше регистриран за резервниот тим, официјално е член на првиот тим почнувајќи од вчера.
Тој беше регистриран за резервниот тим поради финансиски проблеми, а клубот одлучи да ја плати преостанатата сума пари за да го регистрира Барџи за првиот тим.
Покрај тоа, му беше доделен легендарниот дрес во Барселона, а тоа е бројот 19 што го носеа Патрик Клајверт, подоцна Лионел Меси и Ламин Јамал додека не ја земаа “десетката“.
Барџи одигра 14 натпревари за првиот тим оваа сезона и постигна два гола во првенството.
Извор: vecer.mk
