ИСТАНБУЛ (АА) – Американскиот претседател Џо Бајден изјави дека убиството на лидерот на Хамас Исмаил Ханије не помогнало во напорите за постигнување прекин на огнот во Појасот Газа, јавува Анадолу.
„Тоа не помогна“, рече американскиот претседател за новинарите доцна синоќа, на прашањето дали убиството на Ханије ги уништило шансите за договорот за примирје.
Бајден, исто така, рече дека имал „многу директен“ разговор со израелскиот премиер Бенјамин Нетанјаху.
Претходно истиот ден, Бајден и Нетанјаху телефонски разговара за распоредувањето на американската војска за поддршка на Израел против различни закани, соопшти Белата куќа.
Израел ги продолжува своите брутални напади со неселективно бомбардирање на цивилни населби, училишта, верски објекти и болници во Појасот Газа од 7 октомври минатата година. Оттогаш, израелските сили убија речиси 40.000 Палестинци, од кои повеќето жени и деца. Ја разори и уништи инфраструктура на палестинската енклавата, принудувајќи го населението на Појасот Газа внатрешно да се расели, што предизвика акутен недостиг на храна, чиста вода и лекови.
Ханије беше убиен за време на посетата на иранскиот главен град Техеран во средата. Израел директно не ја коментираше неговата смрт.
Атентатот се случи еден ден откако командантот на Хезболах Фуад Шукр беше убиен во израелски воздушен напад во јужното предградие на Бејрут.
Разговорите за прекин на огнот и размена на заложници, кои продолжуваат преку посредниците САД, Катар и Египет, се чини дека се заглавени по нападите во Бејрут и Техеран.
Извор: Anadolu Agency (AA)
