Американскиот претседател Џо Бајден за време на вчерашниот говор во Белата куќа предупреди дека откажувањето на финансиската помош за Украина може да доведе до криза во балканските земји.
„Ако ние заминеме и Русија го издржи нивниот напад и ја победи Украина, што мислите дека ќе се случи во балканските земји? Што мислите дека ќе се случи од Полска до Унгарија? праша тој.
Врвните соработници на Бајден отворено им кажаа на пратениците на приватна средба во средата дека ако Конгресот наскоро не одобри дополнителна воена помош за Украина, Русија би можела да ја добие војната за неколку недели – во најдобар случај со месеци, пишува NBC News.
Советникот за национална безбедност Џејк Саливан и директорката на националното разузнавање Аврил Хејнс тогаш рекоа дека не е случајно што Путин го изврши најголемиот воздушен напад од почетокот на инвазијата на Украина, откако Конгресот не одобри повеќе помош минатиот месец./makfax
Извор: alsat.mk
