Во 2024 година, во охридскиот регион се случиле 280 сообраќајни несреќи, при што загинале 5 лица. Најголем дел од несреќите се регистрирани на автопатот Охрид-Кичево, кој сè уште е во изградба.
Поради овие податоци, полицијата го зголеми надзорот на оваа делница, следејќи ја брзината, користењето на алкохол и мобилни телефони за време на возењето.
„За жал, се зголеми бројот на жртви, што значи дека полицијата интензивно треба да биде присутна на сите оние патишта каде што има поголем број несреќи, особено на автопатот што е во изградба Охрид-Кичево.“, вели Стефан Димовски.
Овој автопат е познат по честите несреќи, па затоа полицијата воспостави контролни точки за мерење на дозволената брзина, со цел да се спречат дополнителни трагедии.
„Ова значи дека полицајците во различни временски интервали се присутни на овие делови од патот и преземаат мерки според контролата – брзина, возење под дејство на алкохол, користење мобилни телефони, управување со мотори, а таму каде што се забележуваат прекршоци се преземаат соодветни мерки.“, вели Стефан Димовски.
Од почетокот на годината досега, полицијата издала околу 30 превентивни мерки. Минатата година беа регистрирани околу 300 сообраќајни несреќи со две жртви. Иако во 2024 година има помалку несреќи, бројот на загинати е зголемен.
ИЗВОР: ТВ 21
