Централната банка соопшти дека ќе се консултира со домородните групи за дизајнот на австралиската банкнота од пет долари
Австралија ќе го замени портретот на кралицата Елизабета Втора од нејзината банкнота од пет долари со нов дизајн што ќе ја одразува и почитува историјата на домородната култура на Австралија, соопшти централната банка на земјата.
„Ова е одлучено по консултација со федералната влада, која ја поддржува промената. На другата страна на банкнотата и понатаму ќе стои австралискиот парламент“,
се вели во соопштението на банката на Австралија.
Смртта на кралицата Елизабета минатата година повторно ја разгоре дебатата во Австралија за нејзината иднина како уставна монархија. На референдумот во 1999 година, гласачите тесно одлучија да го задржат британскиот монарх како шеф на државата.
Кралот Чарлс Трети, кој стана британски монарх по смртта на неговата мајка, е шеф на државата во Австралија, Нов Зеланд и 12 други земји од Комонвелтот надвор од Обединетото Кралство, иако неговата улога е главно церемонијална.
Властите соопштија дека одлуката да се стави ликот на кралицата на австралиската банкнота од 5 долари се однесува на нејзината личност, а не на нејзиниот статус како монарх.
Централната банка соопшти дека ќе се консултира со домородните групи за дизајнот на австралиската банкнота од пет долари. За дизајнирање и печатење на новата банкнота ќе бидат потребни неколку години. Дотогаш ќе продолжи да се издава сегашната банкнота.
Извор: 360stepeni.mk
