Авион во САД изврши принудно слетување: „Слушнавме тропање на вратата од пилотската кабина“

Авион на „Американ ерлајнс“, управуван од регионалниот авиопревозник „СкајВест ерлајнс“, беше принуден да изврши итно слетување во Небраска доцна во вторникот откако пилотите не можеа да стапат во контакт со екипажот и слушнаа тропање на вратата од пилотската кабина, соопшти Федералната администрација за воздухопловство (FAA).

Летот 6469 полетал од аеродромот Епли во Омаха во 18:41 часот по локално време, со дестинација Лос Анџелес. Но, речиси веднаш по полетувањето, пилотите одлучиле да го прекинат летот и да се вратат, а авионот повторно слетал само 18 минути подоцна, според FlightAware.

„По слетувањето, беше утврдено дека има проблем со интерфонскиот комуникациски систем, што предизвика екипажот во кабината да затропа на вратата од пилотската кабина“, се вели во соопштението на ФАА.

Фотографијата направена по слетувањето покажува регионален авион „Ембраер ЕРЈ 175“ паркиран подалеку од патничкиот терминал, опкружен со две противпожарни возила.

Plane makes emergency landing after crew bang on cockpit door over comms problem

“After landing, it was determined there was a problem with the inter-phone system and the flight crew was knocking on the cockpit door,” the FAA said in a statement Monday.https://t.co/GMiLzPfNHL

— Ⓜ️Ⓜ️ Lauren Ashley Davis – OG Meidas Might 🇺🇲🦅 (@Meidas_LaurenA) October 21, 2025