Атлетик Билбао не е подготвен лесно да се раздели од Нико Вилијамс и е на пат да им ги отежни работите на Барселона. Баскијците веќе јасно ставија до знаење дека доколку Каталонците сакаат да го привлечат крилниот напаѓач, ќе мора да ја платат неговата откупна клаузула од 58 милиони евра, сума која беше прифатена од страна на првакот.
Сепак, се покажа дека според информациите од Радио Билбао, Атлетик имал податоци што укажуваат дека Барселона не го почитувала правилото 1:1 од финансиската контрола на Ла Лига, што е клучно за правење трансфери како оној на Вилијамс. Ова е затоа што клубот не го исполнува условот 1:1 – т.е. да може да потроши онолку пари колку што добил. Па сега Баскијците побараа евентуалниот трансфер да биде блокиран.
Претседателот на Атлетик, Џон Уријарте, и генералниот менаџер Џон Берасатеги, наводно, се во Мадрид поради деловни разговори поврзани со женската Ла Лига и го искористиле престојот во главниот град за официјално да ги искажат своите загрижености до Кралската шпанска фудбалска федерација и самата Ла Лига.
Пред неколку дена, првиот човек на Ла Лига, Хавиер Тебас, јавно изјави дека каталонскиот клуб сè уште не е во согласност со правилото 1:1, но претседателот на Барса, Жоан Лапорта, е уверен дека неговиот клуб ќе ги исполни условите пред 30 јуни, кога се очекува да биде одобрен договорот за трибините на „Камп Ноу“.
Извор: kurir.mk
