Вилијам Салиба и официјално го потпиша новиот долгогодишен договор со тимот на Арсенал. Дефанзивецот кој што во моментов има 24. години стави параф на дил кој што е важечки до 2030 година.
Францусинот пристигна уште во 2019 година во Арсенал од Сент Етјен и оттогаш одигра близу 150 мечеви за клубот.
„Вилијам е сакан од сите играчи и од целиот персонал, што зборува многу за неговиот карактер, посветеност и став секој ден. Откако ни се придружи, Вилијам многу порасна како играч, презеде одговорност и создаде силна врска со нашите навивачи и сите во клубот. Знаеме дека тој сè уште има многу да даде и ќе работиме заедно за да продолжиме да се подобруваме со јасна амбиција за освојување големи трофеи“, рече менаџерот на Арсенал, Микаел Артета.
Извор: vecer.mk
