Арсенал без Габриел Жесус ќе ја започне новата сезона

Тренерот на Арсенал Микел Артета ја потврди повредата на коленото на Габриел Жесус и рече дека напаѓачот ќе отсуствува неколку недели.

Арсенал на 12. август го игра првиот натпревар од новата сезона во Премиерлигата, а дотогаш Габриел Жесус нема да биде опоравен.

„Тој имаше мала процедура утринава, за жал повреден е. Имаше некаква нелагодност во коленото која му правеше проблеми, па мораше да се направи интервенција. Тој неколку недели ќе биде надвор од теренот“, потврди Артета.