Интер се избори за најдобар можна подготовка за реваншот со Баерн Минхен во Лигата на шампиони, откако денеска тимот на Симоне Инѕаги си ја заврши „домашната задача“ наречена Калјари.
На натпрвар на кој играчите на Интер истрчаа на теренот со специјални дресови во чест на Валентино Роси, воведот донесе доминација на еден фудбалер, а тоа беше стандардниот резервист, Марко Арнаутовиќ.
Со цел да сочува сили за реваншот со Баерн, Инѕаги му даде шанса на искусниот напаѓач во стартната постава, а многу брзо не зажали за таквиот потег.
Арнаутовиќ најпрво постигна ефектен гол за водство од 1:0, а потоа испорача и мајсторска асистенција до Лаутаро Мартинез, која капитенот едноставно не смееше да ја упропасти.
Со елегантна завршница, Аргентинецот зголеми на 2:0, па Интер си го трасираше патот кон нова победа во домашното првенство, која прави шампионот да биде поблиску до титулата.
Во вториот дел, Калјари се закани и се врати во игра со голот на Пиколи, но Бисек брзо одговори и со удар со глава ги постави конечните 3:1.
Головите погледнете ги ТУКА
Извор: kurir.mk
