БАМАКО (АА) – Воената администрација во западноафриканската земја Мали рано утринава спречи терористички напад врз училиште за обука на безбедносниот персонал во главниот град Бамако, соопштија официјални лица, известува Анадолу.
Истрели од огнено оружје се слушнале во близина на жандармериското училиште во Фалади во 5:30 часот (GMT – средно време по Гринич) и траеле најмалку три часа.
Во соопштението на Генералштабот на Вооружените сили на Мали се наведува дека „група терористи се обиделе да се инфилтрираат во жандармериското училиште Фалади“.
„Во моментов, во тек се операции за пребарување на целата област. Ситуацијата е под контрола“, се вели во соопштението, во кое се повикуваат луѓето да останат смирени и да ги следат упатствата на безбедносните сили.
По воените удари во Мали во 2020 и 2021 година, полковникот Асими Гоита беше избран за привремен претседател на земјата за последователниот период на транзиција.
Извор: Anadolu Agency (AA)
