ДЕИР ЕЗ ЗОР/АЗАЗ (АА) – Арапските племиња кои се под постојан притисок на терористичката организација ПКК/ЈПГ во северниот дел на Сирија, започнаа ослободителна операција во тој дел од земјата, јавува Анадолу.
Како што јавуваат локални извори, по двонеделен прекин повторно се интензивирани судирите меѓу арапските племиња на подрачјето на Деир ез-Зор и припадниците на терористичката организација ЈПГ/ПКК.
Арапските племиња во северна Сирија во раните утрински часови денес започнаа операција за ослободување, а интензивни судири се водат во селата Зијбен, Тајане и Мухамедије.
Терористичката организација премести голем број терористи на подрачјето зафатено со судирите, додека во населените места Сабха, Ебрехије, Бусаирије, Шахил, Багоз и Зибјан, кои претходно беа средишта на судирите, воведе забрана за излегување на улиците со цел да ја спречи побуната на Арапите.
Арапските племиња во ослободителните акции од 27 август до 13 септември на подрачјето на Деир ез-Зор, Рака и Хасека, како и во поширокото подрачје на Мунбич, ослободија 33 села од терористите. Меѓутоа, со цел спречување на цивилните жртви во контранападот на терористите, арапските племиња се повлекоа од овие села, согласувајќи се на преговори со Соединетите Американски Држави (САД).
Терористичката организација ЈПГ/ПКК со поддршка на САД, а под изговор „борба против ИСИС (ДЕАШ)“, го окупира Деир ез-Зор, кој е населен со арапско население.
Терористичката организација под присила регрутира малолетни Арапи во своите редови, во подрачјата што ги контролира.
Од нафтените бушотини на окупираното подрачје терористичката организација ЈПГ/ПКК, и покрај американските санкции, му продава нафта на режимот на Башар ал-Асад во Дамаск, од што се снабдува со средства за своите припадници, додека локалното население е лишено од секаков вид јавни услуги.
