ЛОНДОН (АА) – Апелациониот суд на Велика Британија денес го прогласи за незаконски планот на властите за испраќање на барателите на азил во Руанда, пренесува Анадолу.
Пресудата следуваше по долгата правна битка и дебата во Британија, бидејќи Високиот суд во декември пресуди дека планот за депортирање мигранти во источноафриканската земја е легален. Еден месец подоцна, Високиот суд ја одобри жалбата на таа пресуда.
Овој план стана едно од најконтроверзните прашања за миграциската политика на Владата, што предизвика меѓународни критики и масовни протести низ Велика Британија.
Планот за Руанда кој го потпишаа тогашниот министер за внатрешни работи на Велика Британија, Прити Пател, и министерот за надворешни работи на Руанда, Винсент Бирута, во април 2022 година, предвидува дека барателите на азил кои се обидуваат да влезат во Велика Британија, ќе бидат испратени во Руанда.
Решавањето на прашањата за малите чамци е еден од петте приоритети на британската Влада бидејќи минатата година повеќе од 45.000 мигранти пристигнаа во земјата преку преминување на Ла Манш.
Извор: www.aa.com.tr
