Денеска на прес конференција деканот на Медицинскиот факултет во Скопје, Светозар Антовиќ и раководителот на Институтот за судска медицина, Александар Станков информираа дека кај сите настрадани во пожарот во Кочани била констатирана насилна смрт од задушување што е предизвикано директно од пожарот.
Тие велат дека по настанот, за многу кусо време биле извршени 59-те обдукции на телата и идентификациите на починатите.
За ова биле формирани 6 тимови во кои, освен експерти од Судска медицина, имало и патолози, а вклучени биле и тимови од МВР.
Во март се очекува да бидат завршени сите извештаи за обдукциите, додека пак во однос на облеката и се што е најдено кај загинатите моментално е на Институтот за судска медицина.
Истите се во надлежност на Обвинителството и тоа ќе одлучи што ќе се случува со нив зашто може да бидат земени понатаму во некоја судска постапка.
Според Станков, веднаш по добивањето на информациите за несреќата, за еден час, сите вработени во Институтот пристигнале на своите работни места и бил направен план за соодветно дејствување. Се вршеле обдукции на по 15 лица, кои потоа му биле предавани на погребалното претпријатие.
„Целта беше брзо и квалитетно завршување на обдукциите кои почнаа вечерта, на 16 март, а завршија претпладнето на 18 март, како и точна, прецизна идентификација“, истакна Станков.
ИЗВОР: ТВ 21
