Андоновски: Не познавам човек во Македонија кој може да купи хотел за 60-тина илјади евра, освен пријателите на Груби

March 3, 2023
1 min read

Јас не го гледам зголеменото парламентарно мнозинство, 65, 64, 62 на некое гласање. Мислам дека и деновиве нема да има кворум за работа во Собранието затоа што ова беше едно прикрпување во служба на Артан Груби. Значи не во служба на Владата, не во служба на Македонија, не во служба на напредокот на Македонија, не во служба на реформите, слушавме европски реформи итн. туку во служба на малата клика околу Артан Груби за да си ја заштитат фотелјата уште наредните десетина месеци, не очекувам повеќе. Ова во гостување во емисијата „10 Минути“ на ТВ21, зборувајќи за реконструкцијата на владата, го истакна секретарот за меѓународна соработка на ВМРО-ДПМНЕ, Стефан Андоновски.

Тој додаде дека од прекројувањето на владата најмногу корист имаат Артан Груби и неговите пријатели кои не гледаат ништо друго освен како евтино да купуваат недвижнини.

„Интерес на таа клика е како да се купи евтино хотел на Попова Шапка. Не знам кој може да купи хотел за 60-тина илјади евра, не познавам таков човек во Македонија освен овие пријателите на Артан Груби кој што можат да купат хотел за 50-60 илјади евра. Такашто тоа беше суштината на промената на владата“потенцираше Андоновски.

Зборувајќи за тоа дали е можно друга партија да влезе во владата, Андоновски истакна дека тоа е нивна одлука но се надева дека ќе размислат добро и за иднината на државата и за нивната политичка иднина.

„Дали некоја друга партија ќе влезе или ќе излезе од владата тоа е нивна одлука, но по примерот на одредени помали албански политички партии се покажа дека е погрешна одлуката. Видете во каква ситуација е сега Алтернатива која што влезе да ја спасува владата, а беше избркана буквално од таа влада без да се согледа нивниот став. Имаа сериозни министерства, а сега се тргнати сосема на страна, така што се надевам дека ќе размислат добро и за иднината на Македонија сите политички партии, но и за сопствената политичка иднина, дали е паметно да влегуваат во влада на која што ѝ се одбројани деновите и која што апсолутно не покажа никакви развојни модели, никаква борба против корупцијата“, заклучи Андоновски.

ИЗВОР: kurir.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Борел: ЕУ ги осудува „срамните судења“ на белоруските активисти

Следно

Идентификувани 54 од 57 загинати во железничката несреќа во Грција

Latest from Blog

Божиновска: Македонија е дел од трансатлантскиот дијалог за енергетска безбедност

Министерката за енергетика, рударство и минерални суровини, Сања Божиновска, на 18 и 19 ноември ќе учествува на Седмиот состанок на Партнерството за трансатлантска енергетска соработка (P-TEC) во Варшава, Полска, организиран во соработка

Коњановски: Гласот на младите треба да се преточи во конкретни локални решенија

Триесет средношколци од Битола развија проектни предлози за решавање проблеми во својата заедница, во рамките на проектот ЛАПСИ – Локални активни платформи за социјални иновации. На денешната работилница тие ги финализираа идеите

Општина Прилеп: Втор повик за поддршка на семејствата со првачиња во учебната 2026/2027 година

Општина Прилеп објави втор јавен повик за доделување еднократна парична помош на семејствата со деца запишани во прво одделение во учебната 2026/2027 година. Повикот е наменет за родителите кои не аплицирале во

Општина Битола: Продолжува креирањето на буџетот за 2027 година заедно со граѓаните

Општина Битола го најави одржувањето на третиот буџетски форум, на кој граѓаните ќе имаат можност да учествуваат со свои идеи, предлози и иницијативи во процесот на креирање на општинскиот буџет за 2027

Божиновска: На 25 ноември во Скопје го отвораме Првиот форум за енергетска дипломатија

На 25 ноември, во хотелот „Александар Палас“ во Скопје, ќе се одржи Првиот форум за енергетска дипломатија „Обновливи извори и жените во енергетиката“, најави министерката за енергетика, рударство и минерални суровини, Сања
Go toTop