Андоновски: Бујар Османи не ги штити македонските национални интереси, тој ги штити само своите маркетиншки интереси

January 26, 2023
2 mins read

„Морам да го кажам моето лично мислење затоа што информациите кои што ги имам и кои што допираат до мене ми се чини дека станува збор за еден изолиран инцидент кој успеа заради неспособност, но многу повеќе заради понизност да влезе во еден поширок меѓудржавен наратив. Зошто изолиран инцидент? Затоа што се работи за едно младо лице за кое што имаше односно проструија информации дека има лични и друг вид на проблеми и недоразбирања со луѓето кои што го нападнале. Веднаш да кажам дека јас на ниеден начин не одобрувам насилство во било кој облик, дали било лично, дали било поттикнато од некаков етнички призвук, дали имале некои недоразбирања во врска со должничко доверителско односи. Насилство не е решение на ниту еден проблем. Но, се случило насилство и е инцидент во Охрид. Но, мислам заради понизноста на Владата, особено на Бујар Османи тој влета во наративот кој што бугарските високи политичари го креираат, а особено го заострија знаејќи дека влегуваат во избори во април оваа година“, истакна Стефан Андоновски, секретар за меѓународна соработка на ВМРО-ДПМНЕ во гостување во емисија „Што не е јасно“ на Алфа телевизија.

Андоновски додаде дека Османи требаше да сочека да се увиди која е вистината, а потоа врз основа на таа вистина која што ќе ја утврди Обвинителството и Судот да реагира. Но, Бујар Османи во оваа ситуација сакаше да изигрува и полицаец, и обвинител, и судија, и веднаш отиде во Софија.

„Османи правдајќи се во Софија, веднаш рече дека се работи за етнички инцидент, веднаш го квалификува како меѓуетнички проблем и дека тој потекнувал од население кое што претходно имало такви проблеми, самото тоа население и заради тоа во целосна заштита застанува на жртвата. Јас не велам дека жртвата не треба да има заштита, но ајде да ја дознаеме целата вистина па да си го заштитиме системот“, рече Андоновски.

Тој посочи дека во ситуација кога целиот систем постапил за да ја расчисти ситуацијата и да не се верува на тој систем и да се влета во ситуацијата како некој спасител единствено служи на личниот ПР интерес на Бујар Османи.

„Јас често кажувам дека Бујар Османи како агенда ги нема македонските национални интереси. И луѓето секогаш тука ставаат запирка, и велат аха сигурно тогаш албанските ги штити. Не, Бујар Османи единствено ги штити своите лични маркетиншки интереси. Станува збор за неговиот профил, за неговиот лик, дека секогаш тој треба да биде во преден план и да се фотографира. Тоа му е намерата. Никогаш не му е ниедна поголема од таа, од личната“, нагласи тој.

Андоновски укажа дека го плаши наративот кој што се создава во Бугарија.

„Доблесна Влада целата би требало да си даде оставка. Не само министерот за надворешни работи. Ние забораваме што значи лична и политичка одговорност. Затоа што имате влади во исто толку развиени држави како нашата кои што велат луѓе јас не можам вака да владеам, извинете мој гаф, моја грешка, еве ја власта назад. Во овој случај имате т.н. европска влада која што не знае што се попрво да направи од притисоци, уцени, закани само да остане ден подолго на тоа столче“, вели Андоновски.

Тој дури се осврна и на претседателот Пендаровски и неговите одлуки. Андоновски  рече дека Пендаровски наместо да делува како претседател на држава, тој делува како независен аналитичар.

ИЗВОР: kurir.mk

VERO JUMBO MACEDONIA

EVN MACEDONIA

MARKETING

Претходно

Палестинците ја прекинуваат безбедносната соработка со Израел

Следно

Амбасада на САД: Коментарите на Џамбаски беа неодговорни и опасни, безусловно ги осудуваме сите закани со насилство

Latest from Blog

Како да цепи дрва- девојка со секира го нападнала своето момче на спиење, при апсењето се смеела

Жена од Северна Дакота е обвинета дека се обидела да го убие своето момче додека спиел, користејќи секира, а еден сведок рекол дека звучело како да „сече дрва“ додека го „удирала“ по

Светскиот шампион со Франција на 31 година замина во пензија

Поранешниот француски фудбалски репрезентативец Самуел Умтити објави дека ја завршува својата играчка кариера, објави францускиот весник „Л’Екип“. Умтити (31) објави на социјалните мрежи дека одлучил да ја заврши својата играчка кариера, откако

Американската војска нападна брод од Венецуела: Трамп итно се огласи – има мртви

Американскиот претседател Доналд Трамп објави дека американската војска извршила повторен напад врз брод за кој постоеле сомнежи дека превезувал дрога од Венецуела, при што загинале три лица. Трамп ја сподели информацијата преку

Над 30% од граѓаните сметаат дека ВМРО-ДПМНЕ најдобро се справува со локалните проблеми

Институтот за политички истражувања Скопје, за потребите на МРТ подготви анкета за локалните избори за актуелните општествени случувања и за рејтингот на политичарите и партиите. Од резултатите презентирани вечерва во емисијата „Објектив“,
Go toTop