Тренерот на Реал Мадрид, Карло Анчелоти ги искажа своите очекувања пред учеството на неговиот тим во шпанскиот Суперкуп.
На 10 јануари Реал ќе игра против Атлетико Мадрид во полуфиналето на турнирот.
– Не знам дали сме фаворити. Ова е краток турнир. Блиску сме до победа, но истото важи и за сите други полуфиналисти. Ние сме уверени во успех. Здравствениот билтен е добар, освен Лукас Васкез, можам да сметам на сите играчи, изјави Анчелоти.
Завршницата на шпанскиот Суперкуп ќе се игра во Ријад, Саудиска Арабија.
Во второто полуфинале на мини-турнирот ќе се соочат Барселона и Осасуна. Овој натпревар е закажан за 11 јануари.
Извор: kurir.mk
