Соработката во доменот на размена на податоци и информации е дел од Меморандумот што денеска го потпишавме заедно со директорот на Управата за извршување на санкциите, Александар Пандов, напиша на Фејсбук директорот на АНБ, Бојан Христовски.
Меморандумот поставува темели за посилна координација и заедничко делување во заштитата на националната безбедност, создавајќи рамка за поинтензивна институционална соработка во согласност со законските надлежности. Покрај размената на податоци и информации, предвидени се и активности кои опфаќаат дефинирање на заеднички приоритети во борбата против тероризмот, спречување на насилен екстремизам и радикализација во казнено-поправните установи, како и размена на искуства, специјализирани обуки и подготовка на заеднички стратешки документи, истакна Христовски.
Извор: kurir.mk
