ЕРБИЛ (АА) – Аналитичарите што работат во Курдската регионална влада (КРГ) во Северен Ирак изјавија дека терористичката организација ПКК и групите и ограноците поврзани со неа ѝ нанесуваат штета на безбедноста на земјата, јавува Анадолу.
Абдурахман Шенгали, предавач на Универзитетот „Навроз“ во Духок, Ирак, за Анадолу изјави дека терористите на ПКК „напаѓаат различни делови на Туркије и КРГ и планираат нови напади“.
Нагласувајќи дека оваа ситуација е нелегитимна и неприфатлива според меѓународното право, Шенгали рече дека ова е напад врз безбедноста и полуавтономната КРГ и остатокот од Ирак.
– Терористите на ПКК „предизвикаа колапс на регионалната економија“ –
Велејќи дека терористичката организација ПКК „предизвикала колапс на регионалната економија“, Шенгали додаде: „Терористите на ПКК предизвикаа евакуација на стотици села бидејќи локалното население не може таму да живее и да се занимава со земјоделство.“
„Терористите формираа ограноци под различни имиња во Ирак, Сирија, Туркије и Иран“, рече тој, додавајќи: „Нема земја во која луѓето прифаќаат структура што се спротивставува на воспоставената држава. Бидејќи тоа претставува закана за безбедноста на таа држава.“
Шенгали смета дека постоењето на групи поврзани со ПКК под други називи е сериозен ризик за безбедноста на земјата и рече дека ја поздравува забраната за активностите на таканаречените политички партии поврзани со терористичката организација ПКК.
„Оваа одлука донесена од страна на Ирак (прогласувањето на ПКК за забранета организација) ќе ги спречи да учествуваат во политичкиот процес. Со забраната ќе направи политичкиот процес да функционира подобро“, нагласи тој.
Истакнувајќи дека терористичката организација ПКК на никаков начин не им била од корист на Курдите, Шенгали додаде дека ПКК „отсекогаш била закана, спроведувала терористички дела против локални партиски лидери, палела пазари и го попречувала секојдневното живеење и егзистенцијата на луѓето во регионот“.
– „Со овие чекори Ирак ги блокира овие структури да вршат воени и политички активности“ –
„Ирак одлучи групите раководени и поддржани однадвор да не може да вршат воени или политички активности и дека тоа е забрането“, рече Сами Рекани, политиколог од Универзитетот во Духок.
Проектите за економска соработка меѓу Анкара и Багдад во областа на водните ресурси и слични области, исто така ги зајакнаа меѓусебните безбедносни договори, рече тој.
Рекани, исто така, истакна дека Ирак треба да преземе чекори да ги намали заканите за Туркије како дел од договорите меѓу двете земји.
„Со овие чекори Ирак го затвори патот на овие структури да вршат воени и политички активности“, рече тој, додавајќи дека турската антитерористичка операција „Канџа-катанец“ во Северен Ирак, веднаш преку турската граница, исто така, е дел од договор меѓу Туркије и Ирак.
Рекани нагласи дека тоа врши притисок и врз присуството на терористите на ПКК/ЈПГ во Сирија“, додавајќи: „Овој процес е во тек, но САД, исто така, ја поддржуваат ПКК/ЈПГ.“
Туркије долго време се жали дека САД соработуваат со ПКК/ЈПГ под изговор дека се борат против ДАЕШ. Турските власти велат дека користењето на една терористичка организација за борба против друга нема смисла.
– ПКК сега е забранета во Ирак –
Врховниот судски совет на Ирак на 6 август ги забрани активностите на три политички партии поради поврзаност со терористичката организација ПКК.
Во март ирачката Влада ја прогласи терористичката организација ПКК за „забранета организација“.
ПКК е сепаратистичка организација што е ставена на листата на терористички организации од страна на Туркије, Европската Унија и Соединетите Американски Држави (САД). За време на повеќедецениската терористичка кампања против Туркије, терористите на ПКК убија најмалку 40.000 луѓе.
Терористите често се кријат во Северен Ирак, веднаш преку турската граница, каде што планираат терористички напади во Туркије.
Во 2022 година Туркије ја започна операцијата „Канџа-катанец“ за елиминирање на засолништата на терористичката организација ПКК во северните ирачки региони Метина, Зап и Авашин-Басјан.
Извор: Anadolu Agency (AA)
