Заменичка на државниот потсекретар на американскиот Стејт департмент за блискоисточни прашања, Барбара Лиф, се очекува да го посети Дамаск, главниот град на Сирија, во наредните денови, објавија американските медиуми, пренесува Анадолу.
Лиф наредните денови се очекува да отпатува за Дамаск, објави американскиот портал „Аксиос“.
Во веста се наведува дека посетата на Лиф го претставува почетниот дел од дипломатскиот ангажман на САД со преодната влада во Сирија по соборувањето на режимот на Асад.
Авторот на веста се повикал на двајца неименувани американски функционери, но не се дадени дополнителни детали за посетата на Лиф.
Лиф ќе биде првиот американски официјален претставник што ќе го посети Дамаск по 8 декември, кога беше соборен режимот на Баас во Сирија.
Американскиот државен секретар Антони Блинкен претходно изјави дека ги следат досегашните позитивни пораки од Хајат Тахрир eл-Шам, и дека сакаат да видат конкретни чекори, и доколку тоа се случи, би можеле да испратат американски претставници во Сирија за директни преговори.
Извор: Anadolu Agency (AA)
