Американската компанија „Амазон“ денес објави дека во најновата рунда на намалување на бројот на вработени, ќе отпушти околу 16.000 работници, по октомврискиот бран отпуштања, кога 14.000 луѓе ги загубија своите работни места.
Потпретседателката на „Амазон“, Бет Галети, во блог пост изјави дека засегнатите вработени во Соединетите Американски Држави ќе имаат 90 дена да бараат нова позиција во компанијата.
Оние кои не успеваат или не сакаат нова позиција ќе добијат отпремнина, поддршка за барање работа и здравствени бенефиции, пренесува АП.
Извор: tv21
