Најостро го осудувам овој чин и апелирам до српските власти да ги ослободат косовските војници
Албанскиот претседател Бајрам Бегај повика на ослободување на косовските гранични полицајци кои вчера беа уапсени од српската полиција.
Бегај ова го оценува како сериозен провокативен настан кој има за цел да го дестабилизира не само Косово, туку и целиот регион.
„Најостро го осудувам овој чин и апелирам до српските власти да ги ослободат косовските војници. Ги повикувам и меѓународните партнери да интервенираат и да обесхрабрат други слични акции“,
пишува Бегај во реакцијата објавена на Твитер и на Фејсбук.
‘Escalate to De-Escalate’ strategies should stop. pic.twitter.com/AHrMTnsfLg
— Bajram Begaj (@BajramBegajAL) June 15, 2023
Шефот на албанската држава го повика Косово да не потпаѓа на провокации, туку да придонесе за намалување на тензиите.
„Повторно упатувам братски повик до косовските власти да не потпаѓаат на провокации и да придонесат за деескалација на ситуацијата. Координацијата со САД и со ЕУ за враќање на преговарачката маса е многу важна“,
вели Бегај.
Синоќа реагираше и албанскиот премиер Еди Рама кој наведе дека го чекаат ставот на КФОР, кој го истражува случајот и оти неговата земја стои на ставот за итна деескалација.
Извор: 360stepeni.mk
