Откако стана шампион на Саудиска Арабија, целта на Ал – Итихад е дополнително да се зајакне тимот, земајќи ја предвид силата на Ал Наср и Ал Хилал, а исто така сакаат да доминираат во азискиот фудбал. Затоа се подготвени да потрошат, и тоа многу.
Прв избор и човекот кој најверојатно наскоро ќе оди во Саудиска Арабија е крилниот напаѓач на Порто, младиот Родриго Мора. Тинејџерот кој е роден во 2007 година е проценет на дури 70 милиони евра, што ќе биде многу тешко за Порто да го одбие. Тоа не е сè, тие го сакаат и фудбалерот на Зенит, Вендел, човек кој е еден од најзаслужните за сите овие титули во последните неколку години (освен минатата сезона). Тој беше и најдобриот играч од средниот ред на руската Премиер лига една година. Бразилецот е голема цел, како што објавија руските медиуми, па не е исклучено да го видиме и него во жолто-црниот дрес. И последниот, можеби најважниот, Каземиро. Поранешниот капитен на бразилската репрезентација е долго време мета на Ал Итихад, тешко дека ќе добие голема минутажа во Манчестер Јунајтед, па затоа некако е логично за многумина дека ќе сака да се пресели во Саудиска Арабија.
Извор: vecer.mk
