Од Алијанса за Албанците денеска реагираа по повод средбата меѓу премиерот Христијан Мицкоски и лидерот на СДСМ, Венко ФИлипче.
„Денешната средба на премиерот Христијан Мицкоски и проформа лидерот на контролираната македонска опозиција Венко Филипче е само манифестација на проектот „Македонија повторно твоја“, спонзориран од македонската олигархија и од „серискиот свет“.
Се знае за што ќе разговараат Мицкоски и Филипче. Овој последниот, заедно со сите негови пријатели, ќе се спасат од секаква законска одговорност за своите дела, додека двајцата заедно ќе го дизајнираат новиот систем кој ќе продолжи да ги удира Албанците, да ја деалбанизира државата, да ги прогонува Албанците и да го зајакне моноетничкиот режим.
Ја прашуваме коалицијата на албанските партии ВРЕДИ, кои без легитимитет се во Владата каде никој не ги рачуна, што повеќе треба да се случи за да се вразумат, да се одразат и да ја отфрлат улогата на вазали која скапо ги чинеше Албанците во овие 9 месеци“, велат од АА.
ИЗВОР: ТВ 21
