Претседателката на Комисијата за социјална политика, Илире Даути, денеска поднесе оставка до Собранието.
Оставката следува по петочното изгласување на интерпелацијата против неа од страна на пратениците.
Иако Даути побарала 15 минути на говорница за да ја образложи својата одлука, претседателот на Собранието, Африм Гаши, не и дозволил, што предизвика расправија меѓу пратениците.
Пратеничката Илире Даути не ја напушта собраниската говорница со образложение дека сака да ја обрзаложи оставката од претседателка на Комисијата за социјална политика по изгласаната интерпелација, која утрово ја доставола до Собранието и го обвини претседателот на Парламентот Африм Гаши дека на сила ја држат на функцијата зашто на почетокот на седницата не ја констатирал оставката.
–Не знам поради кои причини вие Африм Гаши на почеток на седница не го констиравте моето разрешување оти утрово доставив неотповиклива оставка и барам 15 минути да ја образложам оставката- рече Даути во процедурално обраќање.
Гаши одговори дека дописот за оставката го добил пред седницата и дека на следната седница ќе ја констатира и таа ќе мож да се обрати пред пратениците.
Во собраниската сала настана мешаница бидејќи Даути не отстапува од барањето сега да ја образложи оставката, додека пратеници од ВМРО-ДПМНЕ довикуваа дека го прекршува Деловникот.
-Не можеш на сила да ме држиш Гаши,не можеш ни ти Мицевски, бездруго тука ќе се слушне мојот глас за лошиот акт кој го направивте, срам да ви е. Баравте мое разрешување и не може на сила да ме држите. Јас не сум ни ваша ни на Апасиев ни на Мицевски, ни на Гаши. Барам да ја образложам оставката – рече Даути а на Мицевски му дофрли дека него никој не го прашува и дека сега неа и е редот да зборува.
Во собраниската сала настана мешаница бидејќи Даути не отстапува од барањето сега да ја образложи оставката, додека пратеници од ВМРО-ДПМНЕ довикуваа дека го прекршува Деловникот.
ИЗВОР: racin.mk
