Заменик-министерот за економија, Марјан Ристески, за денешните протести на јавната администрација изјави дека доколку беа исцрпени сите демократски инструменти, не би се сомневале во политичката позадина на протестите. Тој нагласи дека Владата е транспарентна и отворена за дијалог, но дека изразувањето незадоволство преку синдикатите е неприфатливо.
Ристески потврди дека ќе има покачување на платите, но тоа ќе биде во согласност со економската состојба на државата. Според него, предизвикот е да се направи системско решение за хармонизирање на платите во јавниот сектор. Тој исто така најави дека ќе се работи на законот за државните службеници, кој ќе регулира бројни поволности за вработените.
Во однос на „Новогодишната кошничка“, Ристески изјави дека имала ефект, бидејќи инфлацијата била задржана на 3,5%. На состанокот утре во Стопанската комора ќе се договараат нови мерки за спречување на ценовни шокови, а ако се забележи нагло покачување на цените на прехранбени производи, ќе бидат принудени да ги замрзнат.
ИЗВОР: ТВ 21
