Русија тврди дека Украина се обидела да ја нападне компресорската станица на гасоводот „Турски тек“

ИСТАНБУЛ (АА) – Русија денес објави дека Украина се обидела да ја нападне компресорската станица што го снабдува гасоводот „Турски тек“, јавува Анадолу.

Руското Министерство за одбрана соопшти дека противвоздушната одбрана соборила девет украински беспилотни летала кои се движеле кон компресорската станица „Рускаја“ во јужниот руски регион Краснодар.

Се наведува дека нема жртви меѓу персоналот на станицата, иако инфраструктурата претрпела мала штета „поради фрагменти од соборените дронови“.

„Екипите за итна интервенција на ПЈСЦ Гаспром навремено ги отстранија последиците од паѓањето на отпадот, а опремата е обновена“, се наведува во соопштението.

Тие потврдија дека целта на нападот била да се запре испораката на руски гас за европските земји.

Украинските власти сѐ уште не ги коментираа тврдењата на Русија.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.