По мечот со Барселона тренерот на Реал Мадрид, Карло Анчелоти беше видно разочаран.
„Ова беше лоша ноќ, тажни сме како и сите наши навивачи. Големо е разочарувањето и тоа не смееме да го криеме, но ова е фудбал. Понекогаш можеш да победиш, а понекогаш треба да извлечеш лекција од поразот. Мораме да гледаме напред“, изјави Анчелоти веднаш по загубеното финале.
„ Во првото полувреме не игравме фудбал, игравме на долги топки, а тоа не беше идејата. Лошо се браневме, ова ни наштети во играта. Противникот лесно доаѓаше до нашиот гол. На полувремето реков дека прво треба да се обидеме да играме фудбал бидејќи во првото полувреме не игравме фудбал. Нема да го вперам прстот кон ниту еден играч посебно, но факт е дека не игравме добро“, сумираше италијанскиот стратег.
Извор: kurir.mk
