Барселона во финалето на Суперкупот го декласира Реал Мадрид

January 12, 2025
1 min read

Барселона го освои рекордниот 15. трофеј во шпанскиот Суперкуп, откако убедливо го совлада големиот ривал Реал Мадрид во спектакуларното финале во Џеда.

„Ел Класико“ одиграно во Саудиска Арабија, на стадионот „Крал Абдула“, заврши со победа на Каталонците со 5:2 (4:1).

Барселона постигна девет гола во последните два директни натпревари против Реал Мадрид. Во Мадрид, на 26 октомври, во 11. коло од Примера, тимот на Карло Анчелоти доживеа катастрофален пораз како домаќини со резултат 0:4. Тогаш фудбалерите на Барселона ги постигнаа сите четири гола во вториот дел, овојпат исто толку голови постигнаа во првите 45 минути.

И двата тима стигнаа до финалето на убедлив начин. Каталонците во полуфиналето го совладаа Атлетик Билбао со 2-0, додека Реал Мадрид ја победи Мајорка со 3-0.

Реал Мадрид беше во подобра форма пред финалето, во серија од пет последователни победи во сите натпреварувања, додека тимот на Ханси Флик беше во резултатска криза откако претрпе три порази на домашен терен од крајот на ноември (Лас Палмас 1:2, Леганес 0:1, Атлетико Мадрид 1:2) и падна од првото на третото место на табелата во шпанското првенство.

Што се однесува до стрелците, Килијан Мбапе го доведе Мадрид во водство по само пет минути игра, но потоа „кралевите“ беа скршени со четири последователни гола, постигнати од Ламине Јамал (22′), Роберт Левандовски (36′), Рафиња (39′) и Алехандро Балде (45+10′). Во овој дух продолжи второто полувреме со голот на Рафиња (48′). Не се знае што можеше да се случи до крајот доколку голманот на Барса, Војчех Шчесни не беше исклучен со директен црвен картон во 57. минута. Родриго (60′) веднаш ја намали разликата, но после тоа не беа постигнати нови голови.

Инаку, Реал Мадрид има 13 трофеи во ова натпреварување. Следат Атлетик Билбао и Депортиво Ла Коруња со по три, Атлетико Мадрид две, додека Валенсија, Севиља, Реал Сосиедад, Сарагоса и Мајорка имаат по една победа.

Извор: kurir.mk

MARKETING

MARKETING

Претходно

„Моето најдлабоко сочувство оди до оние кои претрпеле непоправливи загуби“: Давкова за разорните пожари во Лос Анџелес

Следно

Германците доколку го освојат СП ќе поделат 500.000 евра

Latest from Blog

Антонели казнет за судирот со Верстапен

Возачот на Мерцедес, Андреа Кими Антонели, беше казнет со три места на стартната линија во Силверстоун поради судирот со Макс Верстапен денес. Италијанскиот пилот на Мерцедес го удри Макс во првиот круг

Илјадници луѓе протестираат пред Палатата на правдата во Белград

Протест се одржува доцна попладнево во Белград пред Високото јавно обвинителство (ВЈТ) поради апсење студенти. Сообраќајот е блокиран и во близина на Автокоманда, и населбите Земун и Вождовац и попречено е одвивањето

Гитенс ќе се приклучи на Челси откако е постигнат принципиелен договор со Борусија Дортмунд

Крилниот напаѓач Џејми Бејну-Гитенс ќе се приклучи на Челси откако е постигнат принципиелен договор со сегашниот клуб Борусија Дортмунд. Бундеслигашот ја потврди веста од нивниот камп во Флорида. Тој ќе им се

Тешка сообраќајна несреќа во Грција: Загинаа татко и син во судир со камион управуван од Македонец

Во сообраќајка во која учествувале камион управуван од Македонец и автомобил со четиричлено семејство од Грција, возачот на автомобилот починал на самото место, а неговиот син подоцна им подлегнал на повредите. Мајката
Go toTop