Патот од Велес кон Скопје се соочува со сериозни проблеми поради неочистениот снег, особено за тешките товарни возила. Според фотографиите на Рацин.мк, автомобилите едвај поминуваат, а камионите на ЈП „Македонија пат“ не работат и не успеваат да го расчистат снегот во оваа делница, што го прави патот дополнително опасен.
Иако Јавното претпријатие за одржување на магистрални и регионални патишта, „Македонија пат“, извести дека со целокупната механизација и работна сила активно работи на континуирано расчистување на државните патишта сепак ситуацијата на терен е различна.
Сообраќајот на сите државни патишта се одвива во зимски услови, со местимичен снег на коловозот. Министерството ги повикува граѓаните да ги следат актуелните временски прогнози и редовно да се информираат за состојбата на патиштата, особено оние кои планираат да патуваат.
ИЗВОР: racin.mk
