КИЕВ (АА) – Украинските сили заробија двајца севернокорејски војници кои се бореа заедно со руските трупи во регионот Курск, соопшти украинскиот претседател Владимир Зеленски, јавува Анадолу.
Војниците се заробени од силите за специјални операции на Украина, односно Тактичката група бр. 84 и воздушните сили, рече Зеленски во видеопорака.
„Не беше лесно: другите севернокорејски војници и Русите продолжуваа да се обидуваат да ги ликвидираат ранетите Корејци – за да ги спречат да бидат заробени“, рече Зеленски.
Украинскиот претседател истакна и дека заробените војници се пренесени во Киев, каде што им е пружена медицинска помош и се сослушани од Службата за безбедност на Украина.
Извор: Anadolu Agency (AA)
