Скопје конечно со почист воздух, но алармот за загадувањето останува

Скопје утрово го дочека првиот ден со понизок степен на загаденост на воздухот по неколку денови критична ситуација. Ветерот што започна доцна синоќа во скопската котлина и најавениот дожд и снег го прочистија воздухот, овозможувајќи граѓаните да дишат без страв. Според швајцарската платформа за мерење на квалитетот на воздухот, индексот на загадување денеска е 53, што го рангира Скопје на 77. место на светската листа на загадени градови, со присуство на 10 микрограми на метар кубен ПМ2.5 и 12,8 микрограми ПМ10 честички.

„За споредба, Владата на СДСМ и локалната власт предводена од преземаше низа на мерки во борба против загадувањето на воздухот и тие мерки придонесоа за намалување на концентрациите на штетните честички ПМ 2.5 во воздухот на годишно ниво“, вели Каја Шукова.

Шукова жестоко ја критикуваше власта, обвинувајќи ја за неисполнување на ветувањата за инвестиции од 1 милијарда евра во намалување на загадувањето.

„Од кредитот од Унгарија, вреден 250 милиони евра власта не намени ниту едно евро за да го намалат загадувањето на воздухот“, порача Каја Шукова.

СДСМ предложи сет на мерки насочени кон локалните власти: субвенции за еколошки системи за затоплување, набавка на прочистувачи за воздух во училишта и градинки, интензивно зазеленување на јавните површини и редовно чистење на депониите.

„Со голема сериозност ги разгледавме предлозите на СДС за аерозагадувањето прашувајќи се зошто, ако воопшто знаеле, како треба до пред 6 месеци со прст не мрднаа за да го решат ова горливо прашање. Но, сфатиме за што се работи.  И така читаме да видиме дали има нешто зрело и дали се промениле во СДС, иако има поговорка кај нас дека волкот ја менува кожата но наравот никогаш, кога има што да видиме. Не само што не се промениле, туку тие продолжуваат да тонат“, велат од ВМРО-ДПМНЕ.

Организацијата УНИЦЕФ предупредува дека загадувањето на воздухот е една од најголемите закани по здравјето на децата во Северна Македонија. Според нив, 11,6% од сите смртни случаи кај доенчињата се должат на загадениот воздух, а ризиците се најголеми во зимските месеци, особено во градовите како Тетово, Битола и Кавадарци. 

„Загадувањето на воздухот ги прави децата ранливи на инфекции, ги попречува нивниот когнитивен развој и го загрозува нивното целокупно здравје“, велат од УНИЦЕФ.

Иако денешното прочистување на воздухот е добредојдено, експертите и јавноста остануваат загрижени.