Државниот просветен инспекторат ја демантира министерката Весна Јаневска која рече дека за претставата на 28 ноември во училиштето „7 Март“ во село Челопек, каде децата се појавија облечени во униформи на ОНА и пластични пушки во рацете, ќе има казни. Од инспекторатот најавуваат дека само училиштето ќе преземе дисциплински мерки.
Министерката за образование, Јаневска вчера беше прашана за спроведената инспекција во училиштето 7 Март, за која рече дека извештајот за надзорот извршен во Челопек е завршен и дека инспекторите утврдиле нерегуларности за што одговорност ќе понесе самиот наставник.
Го прашавме директорот на школото, Јасин Река кој рече дека се уште не е донесена одлука а обидувајќи се да избегне одговорност, рече дека претставата била организирана од самиот наставник.
Тргнувајќи од конкретниот случај во Челопек, министерката за образование најави дека во ова училиште но и во неколку други каде се пријавени нерегуларности, ќе се одржат обуки за соживот, мултикултурализам, мултуетничност, а за тоа ќе бараат поддршка и од ОБСЕ.
ИЗВОР: ТВ 21
