АНКАРА (АА) – Речиси една четвртина од зградите во јужен Либан се оштетени или уништени поради интензивираните израелски напади, се вели во статијата на „Вашингтон Пост“ врз основа на сателитски податоци, пренесува Анадолу.
Во анализата на весникот, направена во соработка со Градскиот универзитет на Њујорк и Државниот универзитет на Орегон, се користени сателитски снимки од Сентинел-1 и верифицирани видеа од социјалните мрежи.
Анализата открива опсежна деструкција на домови и инфраструктурата во тековните воздушни напади и интензивираните копнени напади.
Анализата покажа дека речиси 25 отсто од објектите во 25 општини во близина на границата со Израел претрпеле оштетувања, со контролирано уривање уништени се најмалку девет верски објекти.
Во пограничните села Ајта аш-Шаб и Кфар Кила, речиси половина од сите објекти се сериозно оштетени, а најмалку 5.868 се погодени во израелските напади.
Иако Израел продолжи со нападите врз Либан кои започнаа во октомври минатата година, 80 отсто од штетата е направена откако Израел ја започна својата копнена офанзива минатиот месец.
Извор: Anadolu Agency (AA)
