РК Е. Пелистер ја забележа првата победа во ракометнатаЛигата на шампионите откако во Данска, македонскиот шампион го победи вице првакот на Данска, Федериција со 25:23 (9:12).
Никола Митрвски блескаше на голот, со 15 одбрани беше најдобриот играч на теренот. Пелистер одигра лошо прво полувреме, во финишот му дозволи на домашниот тим да се одлепи на разлика од три гола.
Вториот дел се играше по нотите на Митревски, блескаше на голот одбрани 40 отсто од ударите, а тоа во нападот го материјализираа неговите соиграчи.
Стрелците кај Пелистер ги предводеше Кузмановски со пет гола, по четири постигнаа Пешевски и Хосни.
Во Лигата на шампионите следува 20-дневна пауза, а потоа Пелистер ќе го пречека тимот на Федериција.
Извор: kurir.mk
