Од големиот чад што излегува од фурната, жителите од оваа населба велат дека не можат слободно да дишат.
Оваа фурна зад мене се наоѓа во Куманово, поконкретно на улицата „Србо Томовиќ“, која ги вознемирува граѓаните поради чадот што се шири.
Овде во близина има куќи и згради, на кои како што велат жителите, им се оштетуваат фасадите на објектите и не можат да отворат прозорци за да проветрат. Тие исто така се жалат за здравјето поради чадот што го дишат.
„Не знам со што ја пали, но има чад што ни смета, никогаш не можеме да застанеме на нашите тераси. Прозорците се обично затемнети црни што треба да се чистат речиси секој ден. Имаше 2-3 пати поплака до општината до инспекторатот да преземе мерки, да се постават подобри филтри за приспособување на животната средина, за да не ни пречи и немаше одговор од инспекторатот, добивме писмен одговор дека ќе се преземат мерки но не се преземени конкретни мерки“, вели Ридван Хасани.
„Искрено имаме проблем со овој бизнис што се води овде, легален е но не ги исполнува условите за работа, бидејќи го загадува воздухот преку ден и е загрижувачко ова што се случува“, вели Абедин Беќири.
Од колку до колку часот е така?
„Нема работно време но можам да речам дека секој ден е исто од наутро до доцна навечер“.
Има и жители на кои не им пречи фурната, но бараат да се постават барем филтри.
Граѓаните уште во 2022 доставиле барање до општината да се преземат мерки.
Од општината ги известиле дека Инспекторатот за животна средина излегол на терен и извршил контрола и дека било наредено за 7 дена да се постави филтер за чадот и да се мери емитирањето на честичките и гасот што излегуваат во воздухот.
Од фурната ни покажаа документ од лабораторија за животна средина во кој се вели дека нема надминување на дозволените вредности.
ТВ21 испрати прашање до општина Куманово за новите поплаки на граѓаните, од каде чекаме одговор.
ИЗВОР: ТВ 21
